پولیس کی جانب سے 4 لاپتہ افراد کی گھر واپسی سے متعلق سندھ ہائی کورٹ کو آگاہ کر دیا گیا ہے کہ طویل عرصے سے لاپتہ 4 شہری بازیاب ہو کر گھر پہنچ گئے ہیں۔
سندھ ہائی کورٹ میں لاپتہ افراد بازیابی کیس سے متعلق درخواستوں پر سماعت ہوئی۔
عدالت نے 4 شہریوں قمبر عباس، بلال، رضوان چاندنہ اور ساجد علی کی بازیابی سے متعلق درخواستیں نمٹا دیں۔
بعد ازاں عدالت نے دیگر لاپتہ شہریوں کی بازیابی کے لیے فوری اقدامات کا حکم دیتے ہوئے آئی جی سندھ اور محکمۂ داخلہ کو 4 ہفتوں میں رپورٹ پیش کرنے کی ہدایت جاری کی۔