سائفر کیس کی سماعت کے لیے پاکستان تحریکِ انصاف (پی ٹی آئی) کے چیئرمین اور وائس چیئرمین شاہ محمود قریشی کے اہلِ خانہ اڈیالہ جیل پہنچ گئے۔
کیس کی سماعت خصوصی عدالت کے جج ابوالحسنات ذوالقرنین کر رہے ہیں۔
چیئر مین پی ٹی آئی اور شاہ محمود قریشی بھی کمرۂ عدالت میں موجود ہیں۔
آفیشل سیکرٹ ایکٹ کی خصوصی عدالت میں سائفر کیس کی سماعت شروع ہو گئی ہے۔
چیئرمین پی ٹی آئی کی اہلیہ بشریٰ بی بی، بہنیں علیمہ خان، عظمیٰ خان اور نورین خان اڈیالہ جیل پہنچ گئیں۔
وائس چیئرمین پی ٹی آئی شاہ محمود قریشی کی بیٹی مہر بانو بھی اڈیالہ جیل پہنچ گئیں۔
واضح رہے کہ سائفر کیس کی گزشتہ سماعت بغیر کارروائی کے ملتوی کر دی گئی تھی۔
گزشتہ سماعت پر ایف آئی اے کی جانب سے گواہان کو بھی پیش نہیں کیا گیا تھا۔